i favolosi e unici testi di.....Quinto Moro!

NASCU E' MURTA Parole e musica : GIANLUCA COTZA Custu chelu annuadu, no est su chelu meu Custu mare 'e tzimentu, no est su mare meu… Cust'arragore ch'intendho, in sa carena e in su coro, Est gai che unu turmentu….(ammentu su Logudoro)… Adhae adhae, b'at sa terra mea, Chen'e isperas 'e tribàgliu, "maladita e fea"… Chen'e abba 'e bufare, chen'e trigu e proendha Solu fàmine e dolu… custa sola, est, sa siendha… Custa sola, est, sa siendha. Su spédhiu est s'unica cumpantzia, candho m'intendho solu Torran ammentos e bisos de pitzinnia Proite in sos ojos b'at sa domo, b'at sa bidha mea. Su nuscu 'e murta intr'e su coro meu… Su nuscu 'e murta, che unu donu 'e Deu De sa Sardigna s'olore Paret de poder leare Tanco sos ojos, e b'at sa terra mea… B'at sa vida mea. In sos ierros astrados, longos e biancos de nie Deo tribàglio, tribàglio, isetendhe sa die… Sa die candh'ap'a torrare a mandhicare cocone Frutu 'e laore de bidha, in abbundhantes istajones… In abbundhantes istajones. In custu mare 'e tzimentu, chin su chelu annuadu Soe che foza in su 'entu… che pitzinnu ispantadu Ma in custu "coro de sardu", s'isperantzia no est morta: Tanco sos ojos e "leo" Su nuscu, bonu, 'e sa murta… Su nuscu, bonu, 'e sa murta. Torrada: Su spédhiu est s'unica cumpantzia, candho m'intendho solu…. ……….. Grammatica e ortografia sono quelle del "Ditzionariu de sa Limba e Cultura Sarda", di Mario Puddu,ediz.Condaghes-2000