i favolosi e unici testi di.....Quinto Moro!

LIMBA SARDA Parole e musica : GIANLUCA COTZA- Siae-1996 (50% Logudorese, 50 % Campidanese, 100 % LIMBA SARDA!!!) Su sardu est sa limba 'e su Sardu, gopai ! Chi nisciunus nerit nudha: est iscritu ! Est sa lei ! Cumentza a is fillus tus a si dhu chistionai, Poita su sardu est sa limba 'e su Sardu, gopai ! Unu pòpulu chentz'e una terra Est gai che unu puzone chentz'e su nidu… Unu pòpulu chentza sa limba Che puzone alivertu: est ispazadu ! Torrada: Dae Logudoro a Campidanu b'at una limba sola Pro unu pòpulu istracadu dae sa sorte mala Dae Campidanu a Logudoro la faedhamos impare Proite su sardu est sa limba 'e su Sardu, compare ! Camminendi in s'arruga 'e s'istòria Apu biu custa genti prangendi e lotai… Chi no ti fuat de sa memòria Chi su sardu est sa limba de su Sardu, gopai ! Abbaidhende, como, a su benidore Sognu su pòpulu sardu chentz'e meres o cadenas In libbertade, de èssere e fàghere Faedhende in sardu, chi est sa limba 'e su Sardu, compare ! Torrada: De Iglesienti a Barbagia, chi s'intendat sa boxi De unu pòpulu "abbramiu" de trabballu e de paxi ! De Barbàgia a Iglesienti no t'iscarèscias mai Chi su sardu est sa limba 'e su Sardu, gopai !